Saturday 10 March 2012

നല്ല ഒരു വെള്ളിയാഴ്ച


ഓഫീസില്‍ ചുമ്മാ ഇരുന്നു മടുത്തു . രോഗികളെ കാണാന്‍ ഡോക്ടര്‍മാര്‍ ഇറങ്ങി നടക്കുന്ന പോലെ ചുമ്മാ ഒരു റൌണ്ട്സിനു ഇറങ്ങി.
നേരെ 123 മൊട്യുല്‍ ലെക്ഷ്യമാക്കി നടന്നു. എന്തോ കണ്ടു പിടുത്തം നടത്തുന്ന പോലെ എല്ലാപേരും ഉണ്ട കണ്ണുകള്‍ എല്ലാം കംപ്യുട്ടര്‍ ന്‍റെ നെഞ്ചത്ത് നോക്കി ഇരിപ്പുണ്ട്.. കുറെ ആള്‍ക്കാര്‍ ഇരിപ്പുണ്ട് ഇവിടെ.

കണ്ണ് ചുറ്റും പരത്തി.
എങ്ങോട്ട് പോകും ? അതാ ഇരിക്കുന്നു മുട്ടന്‍ ഒരു സാധനം. നമ്മുടെ രാഹുല്‍ അളിയന്‍ .

രാഹുല്‍ അളിയ.....  മച്ചമ്പി............. അങ്ങോട്ടും ഇങ്ങോട്ടും ആയി രണ്ടു വിളികള്‍ ... അളിയനോട് കുറെ നേരം കുശലം പറഞ്ഞു ഇരുന്നു ..തൊട്ടപ്പുറത്ത് ടോണി കുട്ടനും വേണു ഭായിയും ഇരിപ്പുണ്ട്..... അവരെ ഇനി ശല്യപെടുതെണ്ട എന്ന് തീരുമാനിച്ചു... ടോണി കുട്ടനെ ചെവിയില്‍ ഫിലിപ്സ് ഇല്‍ നിന്ന് നേരിട്ട് വരുത്തിച്ച പാട്ട് യെന്ത്രം ഇരിപ്പുണ്ട്... ഈ സമയം വേണു ഭായിയെ തിരക്കി സായി അളിയന്‍ വന്നു... അവര്‍ ആണ് ടെക്നോപാര്‍കില്‍ വേണ്ടത്ര കാര്‍ബണ്‍ ഡൈ  ഒക്സ്യ്ട് വിതരണക്കാര്‍.... അവര്‍ സ്ഥലം  വിട്ടു.   വിശേഷങ്ങള്‍ പറയുന്നതിന്‍റെ കൂടെ രാഹുല്‍ അളിയന്‍ പറഞ്ഞു " നീ ഈ അടുത്ത കാലത്ത് പടം കണ്ടോ ? " ഞാന്‍ പറഞ്ഞു - ഞാന്‍ ഈ ഇടെ ഹാപ്പി ജേര്‍ണി എന്നാ പടം കണ്ടു എന്ന് ...അവന്‍ വീണ്ടും ചോദിച്ചു - എടാ ഈ അടുത്ത കാലത്ത് കണ്ടോ എന്ന് ?

പിന്നെയും കുറെ സംസാരത്തിന് ശേഷം ആണ് മനസിലായത് - ഈ അടുത്ത കാലത്ത് - എന്ന് പറയുന്നത് ഒരു സിനിമയുടെ പേര് ആണെന്ന്.

ആദ്യമായാണ് ആ പേര് കേള്‍ക്കുനത് തന്നെ. ഞാന്‍ ഇല്ല എന്ന് പറഞ്ഞപ്പോ അവന്‍ പറഞ്ഞു - അളിയ പൊയ് കാണു, നല്ല പടം.
ഞാനും ആലോചിച്ചു ശെരി ആണ്... കുറെ നാള്‍ ആയി വൃന്ദ യും ആയി ഒരു സിനിമയ്ക്കു പോയിട്ട്....
പക്ഷെ------

ഇന്നലെ ആണ് അവള്‍ക്കു തലവേദനയും പണിയും ആയി ഡോക്ടറിനെ കാണാന്‍ പോയത്..ഈ അവസരത്തില്‍ ഒരു സിനിമയ്ക്കു പോവുക ആണ് എന്ന് അമ്മയോടും അച്ഛനോടും എങ്ങനെ പറയും... പെണ്ണ് കെട്ടി എന്ന് ഒന്നും അവര്‍ ഓര്‍ക്കില്ല..... സംഭവം കുശാല്‍ ആകും.... വെറുതെ അവളുടെ മുന്നില്‍ വച്ച് അച്ഛന്റെ വായില്‍ നിന്നും "ദ്ദമാര്‍ പട്ടാക് " കേള്‍ക്കേണമോ എന്ന് ഒന്ന് ശങ്കിച്ചു....പിന്നെ ഒന്ന് കൂടി ആലോചിച്ചു - ഇന്ന് വെള്ളിയാഴ്ച ആണ്..ഇന്ന് പോയാല്‍ നാളെ വീട്ടിനു വെളിയില്‍ ഇറങ്ങേണ്ട...മടി പിടിച്ചു ഇരിക്കാം :)

എന്തായാലും കൈരളി യുടെ സിനിമ ഓണ്‍ലൈനില്‍ കേറി നോക്കി - എങ്ങനെ ഉണ്ട് ബുക്കിംഗ് നിലവാരം .......സന്തോഷം ..ഒരു വരി ഫുള്‍ ബുക്ക്‌ ആയി ..ബാക്കി എല്ലാം ശൂന്യം. എന്തായാലും 2 ടിക്കറ്റ്‌ ബുക്ക്‌ ചെയ്തു.. 124 രൂപ. വൈകുന്നേരം 6 .15 നു ആണ് ഷോ തുടങ്ങുന്നത്.. ബുക്ക്‌ ചെയ്തു, ചുവരില്‍ "ഇന്നോ നാളെയോ" എന്ന് തോന്നിച്ചു തൂങ്ങി ആടുന്ന ക്ലോക്കില്‍ നോക്കിയപ്പോ മണി 4 .45 ...ശട പടെ ശട പടെ എന്ന് ഓഫീസില്‍ നിന്ന് ഇറങ്ങാന്‍ തീരുമാനിച്ചു... ഇറങ്ങുന്നതിനു മുന്നേ വൃന്ദയെ  വിളിച്ചു പറഞ്ഞു - ഇറങ്ങി നിന്നോളൂ..

ഈ സീന്‍ വെറുതെ മനസ്സില്‍ ആലോചിച്ചു :- വീട്ടുകാര്‍ കല്യാണത്തിന് സമ്മതിക്കാത്തത് കൊണ്ട് പെണ്‍കുട്ടിയെ വിളിച്ചിറക്കി കൊണ്ട് വരുന്ന കാമുകനെ പോലെ --- സ്വന്തം ഭാര്യയെ സിനിമയ്ക്കു വിളിച്ചു കൊണ്ട് പോകാന്‍ പോകുന്ന ഭര്‍ത്താവ് - കൊള്ളം നല്ല ഭാവന ..

ബൈക്ക് കൊണ്ട് നേരെ വീട്ടില്‍ വച്ചു. അടുത്തതായി കാറില്‍ കേറി ഇരുന്നു - "അമ്മേ.... ഞാനും അവളും കൂടി സിനിമയ്ക്കു പോകാന്‍ പോകുവാ കേട്ടോ.....)
മറുപടി കിട്ടി - സൂക്ഷിച്ചു പോണേ മോനെ ....( എന്തൊക്കെയ വെറുതെ വിചാരിച്ചേ -- പാവം അമ്മ)

വണ്ടിയും കൊണ്ട് ആക്കുളം പാലം കഴിഞ്ഞ ഉടന്‍ തന്നെ ഒരു കാള്‍ വന്നു  - രാഹുല്‍ അളിയനാ ..

അളിയന്‍ പറഞ്ഞു - അളിയാ നീ സിനിമയ്ക്കു പോകുന്നുണ്ടോ ? ചിലപ്പോ ഞാനും അവളും കൂടി അവിടെ കാണും കേട്ടോ..
നീ ഏതു പടത്തിനു പോണു ? തത്സമയം പെണ്‍കുട്ടി... മറുപടി കിട്ടി
അത് ശ്രീയില്‍ ആണ് ...അപ്പൊ തമ്മില്‍ കാണാം...ഞാന്‍ കാറും നിരക്കി അവിടെ എത്തിയപ്പോ രാഹുല്‍ അളിയനും അനുവും തിയറ്റര്‍ നു മുന്നില്‍ നില്‍പ്പുണ്ടായിരുന്നു....നേരെ വണ്ടി കൊണ്ട് പാര്‍ക്ക്‌ ചെയ്തു ...

അപ്പുറത്ത് നിന്ന് മുളക് വടയുടെ മണം മൂക്കില്‍ വന്നു നിറഞ്ഞു :)

" രാഹുല്‍ അളിയാ...ചായ കുടിക്കാന്‍ പോകാം ? " - വാ പോകാം - മറുപടി പതിവ് പോലെ +ve
നേരെ പൊയ് ആവശ്യത്തിനു മുളക് വടയും ചായയും അകത്താക്കി....ചായ കടയില്‍ നിന്ന് ഇറങ്ങാന്‍ നേരം കൊറിക്കാന്‍ ആയി ഒരു 10  മുളക് ബാജി കൂടി പൊതിഞ്ഞു എടുത്തു .

 സമയം നോക്കുമ്പോ 6 .17 ...

നാലു പേരും ഈരണ്ടു പേരായി പിരിഞ്ഞു കൈരളിയിലെക്കും ശ്രീയിലെക്കും യാത്രയായി ...
സിനിമ തുടങ്ങിയെ ഉണ്ടായിരുന്നുള്ളു ....

നല്ല പ്രമേയം ...ഒരു നല്ല സിനിമ...

സമയം ഏകദേശം 9 .10 ആയി ... സിനിമയുടെ തിരശീല വീണു...കണ്ണിനും തിരശീല ഇടാന്‍ സമയം ആയി... നല്ല ഉറക്കം വരുന്നു.. നേരെ അവളെയും വിളിച്ചു വണ്ടി പാര്‍ക്ക്‌ ചെയ്ത സ്ഥലത്ത് എത്തി....കടപുറത്തു ചാള അടുക്കി ഇട്ടിരിക്കുന്ന പോലെ വണ്ടികള്‍ ഗ്രൗണ്ടില്‍ നിറയെ പാര്‍ക്ക്‌ ചെയ്തിരിക്കുന്ന്നു.... എന്റെ സ്വന്തം വണ്ടി അങ്ങേ തലക്കല്‍ സുഖ നിദ്രയില്‍ ആണ്.... ഡേയ് അണ്ണാ വാ പോകാം - വിളിച്ചാല്‍ അത് ഇങ്ങു വന്നെങ്കില്‍ - വെറുതെ ഒരു ആഗ്രഹം .....

കുറെ നേരം എടുത്തു വണ്ടികള്‍ ഒക്കെ ഒന്ന് മാറാന്‍...അപ്പൊ രാഹുല്‍ അളിയനും അനുവും എത്തി....അവരോടു ബൈ പറഞ്ഞു നേരെ 1 ഗിയര്‍ ഇട്ടു ആക്സിലേറ്റര്‍ ആഞ്ഞു ചവിട്ടി, ഉറക്കം കണ്ണില്‍ എത്തുന്നതിനു മുന്നേ വണ്ടി വീട്ടില്‍ എത്തി ചെരണമേ എന്നാ പ്രാര്‍ത്ഥനയോടെ ..............

Thursday 8 March 2012

എന്‍റെ പെണ്ണുകാണല്‍

JUNE 26, 2011

ഞാന്‍ ആദ്യമായി  പെണ്ണ് കാണാന്‍ പോയി.

പോയ വേഷം : ബ്ലാക്ക്‌ പാന്റ് + ബ്ലൂ ഷര്‍ട്ട്‌
പോയ ആള്‍ക്കാര്‍ : ഞാന്‍ , ചേട്ടന്‍ , അച്ഛന്‍ , മാമന്‍ , വലിയച്ചന്‍
... അങ്ങനെ ഒരു പട 
ഏകദേശം 9 .30  ക്ക് ഇറങ്ങി അമ്പലത്തറയില്‍ പത്തരക്ക് എത്തി....
വളരെ നല്ല ആള്‍ക്കാര്‍ ..... നല്ല അന്തരീക്ഷം......


 ഒരു ലോഡ് ആള്‍ക്കാര്‍ ... കണ്ണ് മഞ്ഞളിച്ചു പൊയ്.
ആകെ ഒരു ചളിപ്പ്‌.  കുറെ കണ്ണുകള്‍ എന്റെ നേരെ മാത്രം... 


ടീപോയില്‍ ഇരുന്ന കുറെ പലഹാരങ്ങള്‍ എന്നെ നോക്കി ചിരിച്ചു...
മനസ് മനസിനോട് പറഞ്ഞു " കണ്ട്രോള്‍"


പെണ്ണിന്റെ  അച്ഛന്‍ വന്ന പാടെ ഓരോ ഓരോ ആള്‍ക്കാരെ പരിചയ പെടുത്തി തുടങ്ങി... വലിയച്ചന്‍, കൊച്ചച്ചന്‍, മാമന്‍, മാമന്റെ അളിയന്‍, മച്ചമ്പി, ചിറ്റപ്പന്‍ , മാമന്റെ മോന്‍ , അങ്ങനെ എങ്ങിനെ ഒക്കയോ പോണു ആ നീണ്ട നിര.
നാടകത്തിനു കര്‍ട്ടന്‍ വീഴുന്നത് പോലെ കുറച്ചു കഴിഞ്ഞപ്പോ
കേളികൊട്ടോടെ പരിചയപെടുത്തല്‍ അങ്കം അവസാനിച്ചു ...

 സമാധാനം ആയി എന്ന് ചിന്തിച്ചു ഇരിക്കെ എന്റെ അച്ഛന്റെ വക  അടുത്ത കര്‍ട്ടന്‍ പൊങ്ങി 
"ഇത് പയ്യന്റെ മാമന്‍ , ഇത് പയ്യന്റെ വലിയച്ചന്‍, ഇത് പയ്യന്റെ ചേട്ടന്‍ , ഇത് പയ്യന്റെ കൊച്ചച്ചന്‍ ..." ( ദൈവമേ ഇവരെല്ലാം എനിക്ക് മാത്രം ഉള്ളത്  ആണോ ?? ) 

അങ്ങനെ പെണ്‍കുട്ടി വന്നു .. കൈ നിറയെ കാപ്പി ഗ്ലാസ്സുകളും ആയി
 

പെണ്‍കുട്ടിയുടെ മുഖത്ത് നോക്കാന്‍ ആകെ ഒരു ശങ്ക... കാരണം ആ സമയത്ത് എല്ലാ പേരുടെയും കണ്ണ് എന്റെ നേര്‍ക്കായിരുന്നു...
പിന്നെ ഓട്ടകണ്ണിട്ടു നോക്കി അഡ്ജസ്റ്റ് ചെയ്തു... നല്ല കുട്ടി.... 

എനിക്ക് വളരെ ഇഷ്ടപ്പെട്ടു... മറു പക്ഷത്തു നിന്നുള്ള മറുപടിയെ മാത്രമേ പേടി ഉണ്ടായിരുന്നുള്ളു ... കയ്യാല പുറത്തെ തേങ്ങ പോലെ അത് എങ്ങോട്ട് വീഴും എന്ന് ഒരു ശങ്ക
കുട്ടിയോട് വല്ലതും സംസാരിക്കണം എങ്കില്‍ ആകാം എന്ന്  പെണ്ണിന്റെ മാമന്‍ പറഞ്ഞപ്പോ പെട്ടെന്ന് " ഡാര്‍ലിംഗ് ഡാര്‍ലിംഗ്" സിനിമയിലെ രംഗം ആണ് ഓടി വന്നത് .
" എനിക്ക് സംസാരിക്കണം എനിക്ക് സംസാരിക്കണം"  എന്ന് പറഞ്ഞു ഓടാന്‍ മനസ് പറഞ്ഞു. പക്ഷെ സ്വന്തം വില കളയണ്ട എന്ന് കരുതി " ഓ വേണ്ടായിരുന്നു " എന്നാ മട്ടില്‍ എഴുന്നേറ്റു മെല്ലെ മെല്ലെ മാമന്റെ പിന്നാലെ പോയി.

തൊഴുത്തില്‍ കേറാന്‍ വിസമതിച്ചു നിക്കുന്ന പൈകിടാവിനെ പോലെ - പോണോ പോണ്ടേ എന്നാ ഭാവത്തോടെ പിന്നാലെ പെണ്‍കുട്ടിയും .. 


ഞാന്‍ നല്ല അന്തസായി കസേര വലിച്ചു ഇട്ടു ഇരിപ്പ് ഉറപ്പിച്ചു. താന്‍ ഇരുന്നാല്‍ കസേരക്ക് വേദനിക്കുമോ എന്നാ ഒരു പേടി മനസ്സില്‍ ഉള്ളത് പോലെ അവള്‍ മറു പക്ഷത്തും .....


"എനിക്ക് ചോദിക്കാന്‍ പ്രിത്യേകിച്ചു ഒന്നും ഇല്ല.. ഇത് എന്റെ ആദ്യത്തെ പെണ്ണ് കാണല്‍ ആണ് "- ഞാന്‍ നമ്പര്‍ ഇട്ടു തുടങ്ങി :) ( ഈ കള്ളം ഞാന്‍ തിരുത്തി പറഞ്ഞു.... പിന്നെ ഒരിക്കല്‍ )


ഏതു കോളേജിലാ MSc ചെയ്തെ ?
യൂണിവേഴ്സിററി  കോളേജ് - ഒന്നാം ഉത്തരം കിട്ടി...... (പാസ്‌) 

ഏതു ബി എഡ് സെന്റര്‍ ? 

കുമാരപുരം..... അതിനും കിട്ടി ഉത്തരം...
(ഡബിള്‍ പാസ്‌) 

ഇങ്ങേരു എന്നെയും കൊണ്ടേ പോകതോള്ളോ  - എന്ന ഒരു ചോദ്യം തിരികെ ചോദിക്കുന്നതിനു മുന്നേ സ്കൂട്ട് ആകാം എന്ന് കരുതി അപ്പൊ ശെരി കാണാം എന്ന് പറഞ്ഞു എഴുനേറ്റു.... 
കത്തിച്ചു വച്ച റോക്കറ്റു പോലെ ചിരിച്ചു കൊണ്ട് അവള്‍ അകത്തേക്ക്  അവള്‍ ഒരു പോക്ക് പൊയ് :)

എന്റെ പഴയ സീറ്റില്‍ ഞാന്‍ വീണ്ടും പൊയ് പ്രതിഷ്ഠ ഉറപ്പിച്ചു. പിന്നെയും കുറെ നേരം വീണ്ടും ബടായി കര്‍ട്ടനുകള്‍ പൊങ്ങുകയും താരുകയും ചെയ്തു കൊണ്ടേ ഇരുന്നു .... ...  
അവിടെ നിന്ന് യാത്ര പറഞ്ഞു ഇറങ്ങിയപ്പോ ഒന്ന് ഒളി കണ്ണ് ഇട്ടു ഞാന്‍ അവളെ നോക്കി.....

യാത്ര പറഞ്ഞു പോയ വഴി തന്നെ മാമന്‍ പറഞ്ഞു വണ്ടി നിര്‍ത്താന്‍ ... മാമന്‍ എന്നോട് രഹസ്യമായി ചോദിച്ചു - " നിനക്ക് പെണ്ണിനെ ഇഷ്ടം ആയോ ? "
മനസ്സില്‍ പറയാന്‍ തോനിയത് മറ്റൊന്നാ... " മാമാ തിരിച്ചു പൊയ്  പെണ്ണിനേം  വിളിച്ചു കൊണ്ട് വീട്ടില്‍ പോയാലോ ? " എന്നാണ്
പിന്നെ ഒരു നിസംഗ ഭാവത്തില്‍ പറഞ്ഞു " ഇഷ്ടം ആയി :)" 


( ദൈവമേ..മനസ്സില്‍ ഉള്ളത് മുഖത്ത് വരുത്തല്ലേ....) സ്വഗതം 
 
അവിടെ വച്ച് തന്നെ അവിടെ ഒരു കൂട്ട സംഭാഷണം നടന്നു :)
വീട്ടില്‍ എത്തിയ പാടെ എല്ലരു പറഞ്ഞു - നല്ല കുടുംബം , നല്ല കുട്ടി...  


ഉറപ്പിക്കാം :) :) 


ഇതാണ് പെണ്ണ് കാണല്‍ കഥ  അഥവാ വൃന്ദയെ കണ്ട കഥ :)
 

ഈ പെണ്ണ് കാണല്‍ തന്നെ താലി കെട്ടില്‍ കലാശിച്ചു - 30 നവംബര്‍ 2011 ല്‍